Samburu verndarsvæðið er í norðurhluta Kenía, um 6 tíma akstur frá höfuðborginni Nairobi. Á svæðinu má finna allt frá þykkum frumskógi til opinna gresja og hrikalegra fjalla. Áin Ewaso Nyiro rennur með fram suðurmörkum svæðisins og er lífæð þess með því að sjá fólki, plöntum og dýrum fyrir vatni.

Í Samburu er fjölbreytt dýralíf, þar sem finna má heitar og þurrar gresjur, hrjóstrugt landslag og á rennur í nágrenninu. Febrúar og mars eru heitustu mánuðirnir og regntímabilin eru tvö á árinu. Hér rísa pálmatré upp úr þurru landslaginu, og í fjarska sjást útlínur Koitogor og Ololokwe fjallanna.

Gestir koma til Samburu til að sjá fíla, hlébarða, ljón og gíraffa, sem og rúmlega 450 fuglategundir. Grevy’s sebrahestar, sem finnast aðeins á þessu svæði, þekkjast á mjóum röndum, stórum og kringlóttum eyrum og þreknum búk. Á ferð um svæðið gæti maður séð sómalíustrúta, nílarkrókódíla og stórar hjarðir oryx-antilópa, en öll þessi dýr kjósa heitt umhverfi eins og þetta. Kanna þennan stað.

Samburu er frægt fyrir að þar er einn best rannsakaði fílastofn í heimi. Þar sem rannsóknir hafa verið stundaðar á þeim í 20 ár eru fílar á svæðinu mjög gæfir og koma alveg upp að farartækjum, sérstaklega rannsóknarbílum frá Save the Elephants. Fílar hafa frábært ratminni, skilja hvar mörk Samburu verndarsvæðisins liggja og eru talsvert rólegri þegar þeir eru innan þess. Kanna þennan stað.

Fílar gegna mikilvægu hlutverki í að móta landslagið á svæðinu. Þeir hjálpa frædreifingu með því að borða ávexti af trjám og dreifa svo fræjunum með taði. Fílar rífa börkinn af trjám, brjóta niður gróður og stuðla þannig að nauðsynlegum endurvexti og dýpri frægrunni. Á þurrkatímum grafa þeir holur til að finna vatn sem önnur dýr nýta sér svo. Fílar hafa mikil áhrif á landslagið.

Save the Elephants var stofnað árið 1993 og helgar sig því að tryggja framtíð fílanna og vernda vistfræðilegt umhverfi þeirra. STE er með höfuðstöðvar í Nairobi og starfar um alla Afríku að því að skilja og vernda fíla. Aðalrannsóknastöðin er í Samburu þar sem fylgst er með fílum frá jörðu niðri, úr lofti og með GPS-rakningu. Þau einbeita sér að rannsóknum til að styðja við skipulagningu og stefnumótun og vinna að því að bæta sambandið milli manna og fíla. Kanna þennan stað.

Á sjöunda áratug tuttugustu aldar hóf líffræðingur að nafni Douglas Hamilton fyrstu atferlisrannsóknir á villtum fílum í Tansaníu og notaðist við létta flugvél til að fylgjast með fílunum og telja þá. Árið 1993 stofnaði hann Save the Elephants og valdi fljótlega hina einstaklega gæfu fíla í Samburu sem viðfangsefni nýrrar langtímarannsóknar á fílum. Rannsóknin í Samburu vekur fólk um allan heim til vitundar um þær ógnir sem að fílum steðja og skapar lausnir sem tryggja tegundinni framtíð.

Save the Elephants fylgist ekki bara með fílum úr lofti heldur einnig með stökum fílum með hjálp GPS-óla. Eftir að hafa svæft hann setja dýralæknar hálsól á fílinn til að geta rakið staðsetningu hans. Þau gögn hjálpa rannsakendum að skilja hvernig þessi dýr fara um landsvæðið, auk þess að fylgjast með lífi ákveðinna fíla. Með því að greina GPS-gögn getur Save the Elephants einnig sjálfkrafa fengið tilkynningu ef fíll hættir að hreyfa sig. STE hefur sett ólar á 266 fíla vítt og breitt um Afríku hingað til.

Save the Elephants safnaði miklu magni af gögnum frá GPS-ólum fílanna, en þurfti að finna leið til að myndgera þau. Árið 2006 byrjuðu samtökin að leggja gögnin yfir stafrænt landslag Google Earth, svo betra varð að rekja ferðir fílanna. Nú nota þau tölvunarhæfni Google Earth Engine til að greina meira en fimm milljónir skráðra staðsetninga frá 266 fílum á 17 árum.

Fílar fara víða um og rekast oft á vegi, hús, sveitabæi og fólk Árekstar milli manna og fíla eru stórt vandamál í fílavernd, og ein leiðin til að tryggja öryggi fílanna er að greiða götu þeirra. Eftir að hafa séð gögn um ferðir fíla var þessi brú byggð svo fílar gætu með öruggum hætti komist undir þessa hraðbraut. Kanna þennan stað.

Veiðiþjófnaður er alvarlegasta ógnin við fíla í Afríku. Fílar eru drepnir vegna fílabeinsins í tönnunum þeirra, sem er svo selt víða um heim. Dráp á eldri fílum hafa skelfileg áhrif á fjölskyldugerðir og gera marga fílsunga munaðarlausa. Baráttan gegn veiðiþjófnaði krefst ekki bara harðra viðlaga til að fæla veiðiþjófa frá, heldur einnig minni eftirspurnar eftir vörum úr fílabeini.

Þegar fíll deyr er það menningarlegur missir fyrir Samburu-fólkið. Veiðiþjófnaður veldur óstöðugleika í lífi þeirra sem lifa með fílunum, þar sem veiðiþjófar fara víða um í leit að fílabeini. The Northern Rangelands Trust virkjar fólkið á staðnum í sínu verndarstarfi, gerir jarðir að verndarsvæðum og skapar efnahagsleg tækifæri í gegnum ferðamennsku, sem undirstrikar enn frekar gildi fílanna í Samburu.

Þessir verðir eru í fremstu víglínu stríðsins gegn veiðiþjófum og leggja líf sitt í hættu til að vernda fílana í Þeir fá ábendingar frá heimamönnum og samtökum og fínkemba svo umhverfið með þjálfuðum hundum í leit að ólöglegri starfsemi. Verðlaunað starf Lewa verndarsvæðisins og Dýralífsþjónustunnar í Kenía hefur hjálpað til að fækka þeim fílum sem falla í hendur veiðiþjófa í N-Kenía niður í 1% af heildarstofninum, sem er stór sigur í hinni erfiðu baráttu fyrir lífi fílanna.

Þegar veiðiþjófar drepa fíl, hvað verður um afkvæmi hans? The David Sheldrick Wildlife Trust var stofnað árið 1977 og veitir dýrum í neyð aðstoð, þar á meðal munaðarleysingjum. Á fílamunaðarleysingjahælinu í Nairobi sjá gæslumenn um að fæða og þjálfa fíla og tryggja að þeir venjist því að umgangast aðra fíla. Þessi umönnun skiptir sköpum ef ala á upp heilbrigða fíla sem hægt er að sleppa aftur lausum út í náttúruna. The Sheldrick Trust hefur alið upp meira en 180 fílsunga. Kanna þennan stað.

Árið 2012 fór STE fyrst fram á það að fá Street View bílinn til Samburu til að ná 360 gráðu víðmyndum af fílum í náttúrunni. Þótt það geti ekki allir heimsótt Samburu geta allir farið í safaríferð á netinu og hitt fílana. Með því að gera fólki fært að skoða fílana í návígi á netinu vona rannsakendur og málsvarar fílanna að fólk tengist þeim betur og fái aukinn áhuga á að tryggja framtíð þeirra.