Uppgötvaðu lifandi rannsóknarstofu Darwins
Athuganir Charles Darwin og safn hans af lífverum Galapagoseyja frá 1835 hafði áhrif á þróunarkenningu hans um náttúruval.
Í fyrsta skipti eru vísindamenn og rannsakendur að nýta sér myndefni Street View til að kynna sér láð og lög Galapagoseyja.
Galapagoseyjar eru heimkynni hundruða lífvera sem hvergi annars staðar finnast á jörðinni.
Zalophus wollebaeki
Staða á rauðum lista IUCN: Í útrýmingarhættu
Byggt á rauðum lista IUCN yfir tegundir í útrýmingarhættu Frekari upplýsingar
Hávært gelt þeirra, gáskafullt eðli og þokkafull lipurð þeirra í vatni gera þau að sjálfskipaðri „móttökunefnd“ eyjanna. Galapagossæljón fyrirfinnast á hverri einustu eyju Galapagoseyjaklasans.
Sula nebouxii
Staða á rauðum lista IUCN: Ekki í útrýmingarhættu
Byggt á rauðum lista IUCN yfir tegundir í útrýmingarhættu Frekari upplýsingar
Þær má auðveldlega þekkja á einkennandi skærbláum sundfitunum. Blái liturinn stafar af karótínefnum sem súlurnar fá úr fæðunni. Karlfuglarnir sýna fætur sína í flóknum pörunardansi þar sem þeir lyfta þeim til skiptis.
Chelonoidis nigra
Staða á rauðum lista IUCN: Viðkvæm
Byggt á rauðum lista IUCN yfir tegundir í útrýmingarhættu Frekari upplýsingar
Stórvaxnasta skjaldbökutegund sem uppi er í dag með æviskeið sem spannar yfir 100 ár. Hún er með langlífustu hryggdýrum. Skjaldbakan rekur uppruna sinn til sjö af eyjum Galapagoseyjaklasans en stærð skeljarinnar og lögun getur verið mismunandi á milli stofna.
Conolophus subcristatus
Staða á rauðum lista IUCN: Viðkvæm
Byggt á rauðum lista IUCN yfir tegundir í útrýmingarhættu Frekari upplýsingar
Hún finnst eingöngu á Galapagoseyjum og hefur þann eiginleika, ein núlifandi eðla, að lifa og afla sér fæðu í sjónum – hún er því sjávarskriðdýr. Græneðlan getur kafað á rúmlega 9 metra dýpi.
Fregata magnificens
Staða á rauðum lista IUCN: Ekki í útrýmingarhættu
Byggt á rauðum lista IUCN yfir tegundir í útrýmingarhættu Frekari upplýsingar
Stóri freigátufuglinn er erfða- og formfræðilega frábrugðinn öllum öðrum freigátufuglum. Í nokkurhundruð þúsundir ára hefur hann ekki blandað genum sínum við samsvarandi fugla meginlandsins.
Ítarlegt myndefni gefur vísinda- og áhugamönnum möguleikann á að fylgjast með úr návígi. Hvað kemur þú auga á?
Skoðaðu fleiri 360º víðmyndir í Útsýni
Charles Darwin stofnunin fyrir Galapagoseyjar (CDF) er alþjóðleg vísindastofnun sem ekki er rekin í ágóðaskyni. CDF hefur verið að störfum á Galapagoseyjum frá 1959 og áherslan er á að vinna náið með stofnunum yfirvalda við að veita aðgang að upplýsingum og aðstoð til að tryggja áframhaldandi verndun Galapagoseyja.
Þjóðgarðsstjórnarnefnd Galapagoseyja (GNPD) ber ábyrgð á verndun vistfræðilegra heilinda og líffræðilegrar fjölbreytni einangraðs vistkerfis á vernduðum svæðum eyjaklasans, jafnt á landi sem sjó, sem og skynsamlegri nýtingu á vörum og þjónustu sem fæst úr vistkerfinu til handa samfélaginu.
Google Earth Outreach er framkvæmdaáætlun á vegum Google sem snýst sérstaklega um að hjálpa góðgerða- og almannaheillasamtökum um allan heim að nýta sér kosti Google Earth og korta til að skýra og kynna mikilvægt starf sitt á sviðum á borð við umhverfismál, varðveislu menningarverðmæta, mannúðarstörf og fleira.
Underwater Earth er stofnunin á bak við Catlin Seaview Survey – vísindarannsókn sem snýst um að skrásetja kóralrif heimsins með hjálp 360 gráða víðmynda í hárri upplausn. Með verkefninu er hægt að fylgjast með breytingum í tímans rás og efla skilning á þeim vandamálum sem rifin standa frammi fyrir og hvernig vernda má kóralrif.
