Líflína suðvestursins

Einbúasteinninn

Járnoxíð í berginu orsakar líflega rauða litinn sem hér sést. Kannaðu Miklagljúfur í Street View til að finna járnoxíð og nálega 40 önnur setbergslög.

Supai-jarðmyndunin

Í vesturhluta Miklagljúfurs má finna kalkstein sem gefur vísbendingar um volgan og grunnan sjó en austurhlutinn samanstóð líkast til af aurugum árósum.

Tapeats-sandsteinninn

Steingervingar og ummerki sjávardýra og annarra dýra hafa fundist í Tapeats-sandsteininum.

Nankoweap-forðabúrin

Anasazi-fólk til forna notaði þessi forðabúr til að geyma fræ til verndar gegn meindýrum og rotnun.

Steðji Vúlkans

Fyrir hundruðum þúsunda ára stíflaðist Coloroado-áin vegna straums basalthrauns minnst 13 sinnum og við það urðu til eldgosaleifar á borð við Steðja Vúlkans.

Sendin setlög

Nú fyllir Lake Mead ána frá botni og upp og hylur þannig eldri flúðir og skilur mikið magn af sendnum framburði eftir sig meðfram bökkunum.

Stórhyrnt sauðfé

Stórhyrnt sauðfé, sem dregur nafn sitt af stórum og bognum hornum karldýranna, sést stundum spóka sig á bökkum árinnar.

Róðu niður Colorado-fljótið

Skoðaðu fleiri 360º víðmyndir í Útsýni

Það fljót Ameríku sem mest hætta steðjar að

Mynd eftir Paxson Woelber

6 milljóna ára sköpunarsaga

Í meira en 6 milljón ár hefur Colorado-fljótið markað sér farveg á jörðinni. Það spannar yfir 2300 kílómetra; á upptök sín í Klettafjöllum í Colorado og lýkur vegferð sinni í Kaliforníuflóa í Mexíkó. Colorado-fljótið er lífæð hinna þurrviðrasömu vesturríkja Bandaríkjanna. Það rennur um sjö ríki, tvö lönd og níu þjóðgarða og 36 milljónir manna, auk dýra í útrýmingarhættu, njóta góðs af því. Milljónir reiða sig á fljótið fyrir áveitu, vatn og rafmagn framleitt úr vatnsafli. Óhófleg vatnsnotkun og úreltir stjórnunarhættir hafa hins vegar stefnt Colorado-fljótinu í hættu.
Mynd eftir Peter McBride

Fljót sem berst í bökkum

Colorado-fljótið er eitt þeirra fljóta í heiminum sem hvað mest er stíflað, veitt í nýjan farveg eða beint annað með pípulögnum. Þegar Colorado-fljótið kemur að ósum sínum í Kaliforníuflóa í Mexíkó hefur verið gengið svo nærri því að það er orðið vatnslaust. Af þessum ástæðum útnefndi Amercian Rivers fljótið það fljót Ameríku sem mest hætta steðjar að árið 2013. Þótt loftslagsbreytingar og fólksfjölgun hafi sín áhrif á hnignun árinnar er stærsta ógnin úreltir vatnsstjórnunarhættir. Vatni árinnar er úthlutað um of. Ef fram heldur sem horfir nægir vatnið ekki öllum þeim og öllu því sem reiðir sig á það. Raunveruleg ógn steðjar að Colorado-fljótinu og afþreyingariðnaður, vatnsból og kjörlendi villtra dýra liggja að veði. Kíktu á American Rivers til að kynna þér málið betur.
Hjálpaðu fljótinu að flæða

Google kort fengu American Rivers í lið með sér við að koma Colorado-fljótinu í Street View. Sökktu þér ofan í 360 gráða myndefni og láttu berast með straumnum frá Lake Powell niður að Lake Mead til að skoða þjóðgarð Miklagljúfurs í heild sinni frá fljótinu. Sigldu um 450 kílómetra af ísköldu vatni eða skelltu þér í gönguferð upp einn af slóðunum fimm sem teygja sig um rauða klettaveggina. Samstarf okkar varðveitir ásjónu fljótsins í Street View en skoðaðu American Rivers til að kynna þér hvernig hægt er að vernda og endurheimta fljótið sjálft til lengri tíma litið.

6 milljóna ára sköpunarsaga Fljót sem berst í bökkum Hjálpaðu fljótinu að flæða

Kannaðu Colorado-fljótið

Kynnstu göngugörpum Colorado-fljótsins

American Rivers

American Rivers verndar ár í náttúrunni, vinnur að endurheimt skaddaðra áa og varðveitir hreint vatn fyrir fólk og náttúru. Frá 1973 hefur stofnunin komið að verndun og endurheimt yfir 450.000 kílómetra af ám með baráttu sinni fyrir málstaðnum, verklegum framkvæmdum og árlegu verkefni sem snýst um að velja þau fljót sem eru í mestri hættu – America’s Most Endangered Rivers®. Gríptu til aðgerða á www.AmericanRivers.org/Colorado

Starfsfólk Google Earth Outreach

Google Earth Outreach er framkvæmdaáætlun á vegum Google sem snýst sérstaklega um að hjálpa góðgerða- og almannaheillasamtökum um allan heim að nýta sér kosti Google Earth og korta til að skýra og kynna mikilvægt starf sitt á sviðum á borð við umhverfismál, varðveislu menningarverðmæta, mannúðarstörf og fleira.

Sjáðu Colorado-fljótið frá fleiri sjónarhornum

Skoða í Street View

Kort

Colorado-fljótið