Churchill í návígi

Ekkert jafnast á við kraftinn og smæðina sem maður finnur fyrir þegar maður stendur augliti til auglitis við ísbjörn. -Karin Tuxen-Bettman, Google Earth Outreach

Nú þegar afleiðingar loftslagsbreytinga verða sífellt áþreifanlegri í heiminum er litið til ísbjarna sem nokkurs konar mælikvarða á umhverfisbreytingar. Áhrif hlýnunar jarðar má glöggt sjá í bænum Churchill í Kanada. Í þessum kyrrláta bæ við vestanverðan Hudson-flóa er sambýli manna og ísbjarna, allt þar til ísa leggur og ísbirnirnir komast út á flóann til að veiða seli, sem eru helsta fæða þeirra.

Hlýrri mánuði ársins rekur bráðnandi ísinn ísbirnina upp á land. Þótt loftslagsbreytingar virðist vera hægfara ferli sem erfitt er að festa hendur á eru áhrif þeirra raunveruleg og sýnileg í þessum höfuðstað ísbjarnanna. Í Churchill hefur hlýnun loftslags stytt tímann sem flóinn er á ís, sem skerðir veiðitíma bjarnanna um hér um bil fjórar vikur.

Í þessu ferðalagi var það stofnunin Polar Bears International (PBI), sem hefur það að markmiði að bæta aðstæður þessara tignarlegu skepna, sem bauð Google á heimskautasvæði Kanada til að líta birnina augum. PBI, Earth Outreach og Google kort hafa nú í sameiningu safnað myndefni í Street View í og í nágrenni við Churchill og Wapusk-þjóðgarðinn, svo nú getur PBI kynnt starfsemi sína fyrir fólki um allan heim.

Í Street View geturðu upplifað lífið á túndrunni upp á eigin spýtur. Flettu áfram til að læra meira um ísbirnina og heimkynni þeirra, áhrif loftslagsbreytinga og hvað PBI gerir til að bæta lífskjör ísbjarnastofnsins.

Sjá meira

Skoða í Google kortum

Upplifðu túndruna

Gáðu hvort þú finnur ísbirni í Útsýni

Sjáðu áhrif hlýnunar jarðar

Fræðstu um síminnkandi kjörlendi ísbjarnanna.

Kanadíska túndran er víðfeðmt og fallegt landsvæði, kyrrlátt og snævi þakið frá því síðla hausts og þar til snemma á vorin.

Þótt túndran virðist eintómt berangur er hún hluti af flóknu vistkerfi sem reiðir sig á vetrarmánuðina þegar Hudson-flói er á ís.

Hafís er órjúfanlegur hluti af fæðukeðjunni á norðurheimskautinu og vinnur ásamt öðrum þáttum að því að halda hitastigi á túndrunni lágu.

Nú þegar loftslagið er að breytast er ísinn lengur að myndast á haustin og hann tekur fyrr upp á vorin.

Styttra frostatímabil skerðir veiðitímabil ísbjarnanna, sem hefur áhrif á vistkerfi norðurskautsins í heild sinni.

Hittu fólkið sem vinnur að því að bjarga ísbjörnunum

Polar Bears International hefur það að markmiði að bjarga ísbjörnum með því að vernda hafísinn sem er heimkynni þeirra.

PBI er með beina útsendingu frá túndrunni á hverju ári sem sýnir þegar ísbirnirnir leggjast í far.

Hér forvitnast ísbjörn um bíl Polar Bear International. Á þakinu stendur Göngugarpur Google og safnar myndefni.

PBI stendur að rannsóknum þar sem notast er við hálsólar með gervihnattasendum, til að veita vísindamönnum upplýsingar um áhrif hlýnunar á norðurheimskautinu. Mynd birt með leyfi frá BJ Krischhoffer, verkefnastjóra á vettvangi hjá PBI.

Ferðastu um Churchill með Google kortum

Skoðaðu Churchill frá fleiri sjónarhornum

Skoða í Street View